Tukaana Siree Yeroo Arginu Wantoota Gochuu HIN Qabaanne

• Hin Sodaatin. Ilbiisota siree suuta jettee sakata’uudhaan sana booda tooftaa to’annaa barbaachisaa ta’aniin dhabamsiisuu ni dandeessa.
• Ilbiisota siree qoricha aramaa yookin qonnaatti gargaaramuudhaan ajjeessuuf hin yaalin. Summii alaa mana keessatti ilbiisota baleessuuf gargaaramuun miidhaa matii kee fi siratti fiduu danda’a.
• Oomisha manatti hojjetaman yookin warshaa keessatti tolfamantti hin fayyadaminaa. Oomishni manatti hojjetaman balaa kan fidaniifii rakkoo jiru ittumaa kan caalchisan ta’uu danda’u.
• Oomishaalee beeksisni isaanii Ingiliffaan ala ta’anitti hin fayyadamin.
• Farra ilbiisotaa kalattiidhaan qaama keetti hin dibatin. Kun qaama kee madeessuu mala.
• Gaazii, keerosiini fi alkoolitti hin gargaaramin. Abidda uumuu mala.
• Teessoo kee baastee hin darbatin. Teessoo fi siren tukanarraa haxaa’uun ni danda’ama. Darbattee gatuun kee tukaanni akka babal’atu taasisa akkasumas baasiidhaaf si saaxila.
• Meeshaalee siree jalatti hin kuusin. Meeshaa siree jalatti kuusuun iddoo tukaanni dhokatu baay’isuu dha. Kun immo tukaana mancaasuuf rakkisaa ta’a
• Meeshaalee kutaa tokko gara isa kan biraatti hin sochoosin. Meeshaa tukaana qaban kutaa tokkoo gara kan biraatti geessuun tukaanni akka mana keessa tamsa’u taasisa.
• Meeshaalee feestaalii gurraachan guduunfun aduu keessa hin kaa’iin. Sana gochuun tukaana guutumaan guututti hin ajjeesu. 

Yoo tukaanni ni jira jettee yaadde wantoota gochuu qabdu:

• Waa’ee tukaanaa hubachuuf toora interneetii www.bedbugs.umn.edu/have-i-found-a-bed-bug jedhu jaltti ilaali.
• Ogeessa To’ataa Ilbiisotaa yookin abba lafaa barbaadi.
• Naannoo faalaman hubachuuf toora interneetii armaan gadii ilaali. www.bedbugs.umn.edu/bed-bug-control-in-residences